عطر اور پرفیوم تاجر امان اللہ کو پرفیوم کے میدان میں بہتر کارکردگی کے لیے دادا صاحب پھالکے انڈین ٹیلی ویژن ایوارڈ سے نوازا گیا

نئی دہلی

امان فریگنینس کے مالک امان اللہ کو پرفیوم کے میدان میں بہترین کارکردگی اور اختراعات کے لیے ممبئی میں منعقد ایک پُر وقار تقریب میں ممتاز شخصیات کی موجودگی میں ’دادا صاحب پھالکے انڈین ٹلی ویژن ایوارڈ سے نوازا گیا۔ واضح رہے کہ تاجر امان اللہ کا تعلق آسام کے مردم خیز علاقے سے ہے۔ آپ دلی سے اپنا کاروبار چلاتے ہیں۔ ایک سوال کے جواب میں انھوں نے کہا کہ یہ ایوارڈ ان تمام لوگوں کے لیے حوصلہ افزا ہے جو خواب دیکھتے ہیں اور خواب کو حقیقت بنانے کی ہر ممکن کوشش کرتے ہیں۔ انھوں نے کہا کہ یقینا اس ایوارڈ سے انھیں مزید بہتر کرنے کا حوصلہ ملے گا۔ انھوں نے اپنی خوشی کا اظہار کرتے ہوئے کہا کہ اب بس یہ خواب ہے کہ میں کسی بھی طرح عوام کے کام آسکوں۔ واضح رہے کہ امان اللہ صاحب کو یہ ایوارڈ سماجی، سیاسی اور فلم و ٹیلی ویژن شخصیات کی موجودگی میں دیا گیا۔ اس پروگرام کے انعقاد کا سہرا ڈی پی آئی ٹی اے کے بانی چیرمین اکھلیش سنگھ نے کیا تھا۔ عبد الواحد اور سجاد عالم نے امان اللہ کی کامیابی پر مبارک باد پیش کرتے ہوئے اپنے نیک جذبات کا اظہار کیا ہے۔