پریس ریلیز
ہر دلعزیز ممبر پارلیامنٹ محترمہ اقراء حسن چودھری نے مہمان خصوصی کی حیثیت سے شرکت کی
دوحہ (نامہ نگار):
علیگڑھ مسلم یونیورسٹی الومنائی ایسوسی ایشن قطر (AMUAAQ) نے سر سید احمد خان کی خدمات اور تعلیمی مشن کو خراجِ عقیدت پیش کرتے ہوئے سر سید ڈے 2025 17 اکتوبر کو الماس بال روم، سٹی سینٹر روتانا دوحہ میں شاندار طریقے سے منایا۔
تقریب کی مہمانِ خصوصی محترمہ اقرا حسن چودھری، رکن پارلیمنٹ (ہند) تھیں جبکہ ہندوستان کے سفیر برائے قطر عزت مآب شری وپل نے صدارت کی۔
تقریب کا آغاز تلاوتِ قرآنِ کریم سے ہوا۔ محترمہ غزالہ یاسمین نے مہمانوں کو خوش آمدید کہا اور نظامت کے فرائض ڈاکٹر اشنا نصرت اور ڈاکٹر نعیم امان نے انجام دیے۔
ڈاکٹر ندیم ظفر جیلانی، صدر AMUAAQ نے اپنے خطاب میں سر سید احمد خان کے مشن کو آگے بڑھانے کی ضرورت پر زور دیا اور ایسوسی ایشن کی سال بھر کی سرگرمیوں کا ذکر کیا۔
عزت مآب شری وپل نے سر سید احمد خان کو خراجِ عقیدت پیش کرتے ہوئے کہا کہ علیگ برادری قطر میں اپنے علم و خدمت سے بھارت اور قطر کے تعلقات کو مضبوط بنا رہی ہے۔
محترمہ اقرا حسن چودھری نے اپنی پُراثر تقریر میں کہا کہ سر سید کا مشن ابھی نامکمل ہے، کیونکہ مسلم بچوں میں ترکِ تعلیم کی شرح اب بھی زیادہ ہے۔ انہوں نے علیگ برادری سے اپیل کی کہ وہ پسماندہ بچوں کی تعلیم کی ذمہ داری اٹھائیں۔
جناب جاوید احمد، چیئرمین AMUAAQ نے اتحاد و تعاون کے جذبے کو “One Team, One Dream” کے نعرے سے تعبیر کیا۔
تقریب میں سر سید احمد خان کے تمام مکتوبات و تحریروں پر مشتمل 20 جلدوں کے مجموعے کی رونمائی بھی کی گئی، جسے ڈاکٹر عطا خورشید نے مرتب اور جناب عاطف حنیف نے شائع کیا۔
اسی موقع پر جناب عاطف حنیف کی نئی کتاب کا بھی بین الاقوامی اجرا ہوا، اور انہیں “علیگریئن آف دی ایئر” ایوارڈ سے نوازا گیا۔
ایسوسی ایشن نے اپنا پہلا سالانہ سووینیر “ابرِ علیگڑھ” بھی جاری کیا، جس کی تدوین جناب ممنون احمد بنگش نے کی۔
تقریب میں علیگڑھ ترانہ کی نئی ویڈیو بھی پیش کی گئی، جسے جناب فیروز خان نے تخلیق کیا۔ دیگر معزز مہمانوں میں امتیاز انور صدیقی، پروفیسر انور رضوی، ڈاکٹر عطا خورشید اور عاطف حنیف شامل تھے۔
سالانہ ایوارڈز میں انجو شرما (میڈیا پرسنالٹی)، پروفیسر انور رضوی (تعلیم)، جناب پی۔ حامد (سماجی خدمت)، اور ڈاکٹر ندیم جیلانی و محترمہ غزالہ یاسمین (بہترین والدین) کو اعزازات دیے گئے۔
تقریب کا اختتام قطر و بھارت کے قومی ترانوں اور علیگڑھ ترانہ کی پیشکش سے ہوا۔ اس کے بعد پرتکلف عشائیہ اور مشاعرہ کا اہتمام کیا گیا جس میں عتیق انظر، احمد اشفاق، شمع پروین صدیقی، اشفاق دیشمکھ، ندیم جیلانی دانش اور ممنون احمد بنگش نے کلام سنایا۔
تقریب کے کامیاب انعقاد پر لیڈیز وِنگ AMUAAQ کو خصوصی خراجِ تحسین پیش کیا گیا۔ تنظیم کے نائب صدر انجینئر فیصل نسیم نے مہمانوں ،اسپانسر س اور جن ممبران کا شکریہ ادا کیا ان میں فرمان خان، ممنون احمد بنگش، فرخ علی فاروقی ، صائمہ شہاب الدین ، ڈاکٹر انتخاب عالم، ڈاکٹر عمران ممتاز، عماد الدین احمد ، سید شہاب الدین، شیخ تنویر احمد ، الطاف گوہر کے نام قابل ذکر ہیں۔ پروگرام میں بڑے پیمانے پرعلی گڈھ کے الیومنی اور دیگر عمائدین شہر دوحہ نے شرکت کی۔
(اگر زحمت نہ ہو تو ادبی میراث کے یوٹیوب چینل کو ضرور سبسکرائب کریں https://www.youtube.com/@adbimiras710/videos
(مضمون میں پیش کردہ آرا مضمون نگارکے ذاتی خیالات پرمبنی ہیں،ادارۂ ادبی میراث کاان سےاتفاق ضروری نہیں)
| ادبی میراث پر آپ کا استقبال ہے۔ اس ویب سائٹ کو آپ کے علمی و ادبی تعاون کی ضرورت ہے۔ لہذا آپ اپنی تحریریں ہمیں adbimiras@gmail.com پر بھیجنے کی زحمت کریں۔ |
