سماج میں جو لوگ تعلیم، دبے کچلے اور نادار لوگوں کے لیے کام کرتے ہیں وہ ہی عظیم ہوتے ہیں : عارف نقوی

 تعلیم انسان کے لیے سب سے زیادہ ضروری ہے اور زندگی میں اس کا بڑا اہم کردار ہو تا ہے:رما نہرو

وی کمٹ جیسی تنظیمیں سماج کے لیے ایک بہترین مثال ہیں: پروفیسر ریشما پروین

شعبۂ اردو،سی سی ایس یو میں ’’وی کمٹ کی خدمات‘‘ پرآن لائن پروگرام کا انعقاد

میرٹھ20؍جولائی2023ء

رمانہرو جیسی عظیم شخصیت کو سلام جن کی سر پرستی میں وی کمٹ جیسی تنظیم مسلسل نہ صرف تعلیمی، تہذیبی اور ثقافتی خدمات انجام دے رہی ہے بلکہ بچوں ، خوا تین ، صحت اور ما حولیات کے تعلق سے بھی ، تنظیم جو کار ہائے نمایاں انجام دے رہی ہے یہ ان کا بہت بڑا کار نامہ ہے۔ اپنے لیے تو سبھی جیتے ہیں لیکن جو لوگ سماج میں تعلیم، دبے کچلے اور نادار لوگوں کے لیے کام کرتے ہیں وہ ہی عظیم ہوتے ہیں۔ رما نہرو بھی نہ صرف بچوں بلکہ ہمارے لیے بھی ایک ماڈل ہیں ۔یہ الفاظ تھے جرمنی سے معروف ادیب و شاعر عارف نقوی کے جو شعبۂ اردو، چودھری چرن سنگھ یونیورسٹی اور بین الاقوامی نوجوان اردو اسکالرز انجمن (آیوسا) کے زیر اہتمام منعقد ’’وی کمٹ کی خدمات‘‘ موضوع پر اپنی صدارتی تقریر میں آن لائن ادا کررہے تھے۔

  اس سے قبل پرو گرام کا آغاز پی ایچ ڈی کے طالب علم نوید احمد خان نے تلاوت کلام پاک سے کیا۔بعد ازاں ہدیۂ نعت پی ایچ ڈی کی طالبہ فرح ناز نے پیش کیا۔اس ادب نما پروگرام کی سر پرستی معروف ادیب اور صدر شعبۂ اردو پروفیسر اسلم جمشید پوری نے فرمائی ۔مہمانان خصوصی کے بطور وی کمٹ کی صدر اور معروف سماجی کار کن رما نہرو اور وی کمٹ کے چیئر مین اتُل سکسینہ نے شر کت کی جب کہ مقرر کے طور پر آیو سا کی صدر پروفیسر ریشما پروین نے آن لا ئن شرکت کی۔استقبالیہ کلمات فرح ناز،نظامت کے فرائض ڈاکٹر شاداب علیم اور شکریے کی رسم ڈاکٹر الکا وششٹھ نے ادا کی۔

اس مو قع پر اپنے خیالات کا اظہار کرتے ہوئے پرو فیسر اسلم جمشید پوری نے کہا کہ وی کمٹ ایک ایسی تنظیم ہے جو ہمیں مختلف زاویوں سے کام کرنے کا طریقہ سکھاتی ہے اور یہ سوسائٹی ایسے بچوں تک تعلیم پہنچا تی ہے جہاں تک پہنچ پانا نہایت مشکل عمل ہے۔ یعنی جیل میں رہنے والے بچوں کو تعلیم دینا اور شہر میں بہتر آ ب و ہوا کے لیے بھی یہ سوسا ئٹی مسلسل کام کر رہی ہے۔لیکن اس کا سب سے اہم کام یہی ہے کہ یہ ایسے لوگوں تک تعلیم کی شمع روشن کیے ہوئے ہے جہاں تک کسی بھی شخص کا پہنچنا نہایت دشوار ہے۔

چیئر مین اتُل سکسینہ نے کہا کہ وی کمٹ سوسائٹی طا لب علموں کے لیے کام کررہی ہے۔ اس کے علاوہ یہ سوسائٹی دوردراز کے علاقوں، گاؤں ،دیہات میں بھی بڑے پیمانے پر کام کررہی ہے۔ اس سوسائٹی نے اب تک بہت سی ورک شاپ، مختلف ادبی ، تہذیبی و ثقافتی پروگراموں کا نہ صرف انعقاد کیا ہے بلکہ وقتاً فوقتاً صحت اور تندرستی  وغیرہ کے تعلق سے بھی معاشرے میں بہتر طور پر کام انجام دے رہی ہے۔ اس سوسائٹی نے ضلع جیل، صو بائی نسوانی خدمات، صو بائی بال گرہ کے تعلق سے بھی بڑے بڑے کار نامے انجام دہے ہیں۔

رما نہرو نے کہا کہ یہ سو سائٹی سماج کے بہت سے گوشوں پر لگاتار اپنی خدمات انجام دے رہی ہے اور اب تک اس سوسائٹی کو دس ایوارڈ سے نوازا جا چکا ہے۔ تعلیم انسان کے لیے سب سے زیادہ ضروری ہے اور زندگی میں اس کا بڑا اہم کردار ہو تا ہے۔ جیل میں رہنے وا لی خوا تین اور بچوں کو بھی تعلیم کی اشد ضرورت ہوتی ہے۔ اسی کو مد نظر رکھتے ہوئے ہم نے جیل میں ایسے بچوں اور خوا تین کے لیے جو لمبی سزائیں کاٹ رہے ہیں بہترین تعلیم کے ساتھ ساتھ انعام، امتحان اور دیگر کریٹیو کارگزاری کے لیے بہت سے کام انجام دیے۔ اسی طرح غریب، مزدور بچوں کی بھی مالی معاونت کرتے ہیں۔ ہماری سوسائٹی ایک سیلف فائننس سوسائٹی ہے، ہم نے بہت سے کیمپ لگا کر بچوں کی صحت، تندرستی اور تعلیم کے تعلق سے بہت سے کام کیے ہیں اور آگے بھی ہما را یہ مشن جاری رہے گا۔

لکھنؤ سے آیو سا کی صدر پروفیسر ریشما پروین نے کہا کہ میں خاص طور پر صدر شعبۂ اردو کا شکریہ ادا کرنا چا ہوں گی جنہوں نے ایک ایسی فعال اور سماجی تنظیم اور ان سے جڑی ایسی اہم شخصیات سے رو برو کرایا جو واقعی سماج کے لیے مثال ہیں اور مسلسل مختلف شعبوں میں خصوصاً تعلیم، صحت اور خوا تین کے مسائل کے تعلق سے بہترین خدمات انجام دے رہی ایسے سبھی لوگوں کو سلام! آج وی کمٹ جیسی تنظیمیں سماج کے لیے ایک بہترین مثال ہیں۔

اس مو قع پر پشپا نہرو،ڈاکٹر آصف علی، ڈاکٹر شبستاں آس محمد،عابد سیفی،لوی سیفی، محمد شمشاد، فیضان ظفر وغیرہ آن لائن جڑے رہے۔

 

(اگر زحمت نہ ہو تو ادبی میراث کے یوٹیوب چینل کو ضرور سبسکرائب کریں    https://www.youtube.com/@adbimiras710/videos