بزم ایوانِ غزل کاماہانہ طرحی مشاعرہ منعقد

سعادت گنج،بارہ بنکی (پریس ریلیز)بزم ایوان غزل کا ماہانہ طرحی مشاعرہ  آیئڈیل انٹر کالج  سعادت گنج کے وسیع ہال میں منعقد ہوا جس کی صدارت معروف شاعر امیر حمزہ اعظمی نے فرمائی  مہمان خصوصی کی حیثیت سے حامد مصطفے آبادی نے شرکت کی جبکہ نظامت کے فرائض بیڈھب بارہ بنکوی نے انجام دئے  مشاعرہ انتہاٸی کامیاب رہا  پسند کئے گئے اشعار درج ذیل ہیں

مری بیمائگی کا تم نہ ان سے تذکرہ کرنا

یہ خطرہ ہے مری بیٹی کا رشتہ ٹوٹ جائیگا

امیر حمزہ اعظمی

وہ انساں کوئی ہو اچھے سے اچھا ٹوٹ جائیگا

مقابل چار جھوٹے ہوں تو سچا ٹوٹ جائیگا

بیڈھب بارہ بنکوی

ہماری آرزؤں کا جنازہ اتنا بھاری ھے

اگر کاندھا نہ بدلینگے تو کاندھا ٹوٹ جائیگا

کلیم طارق

یہ سیل ظلم ٹکرائیگی کب تک میری کشتی سے

زرا سا حوصلہ رکھو یہ دریا ٹوٹ جائیگا

حامد مصطفے آبادی

درختواسقدر تم خوش نہ ہو اپنی سجاوٹ پر

خزاں جب آئیگی تو پتہ پتہ ٹوٹ جائیگا

اثر سیدنپوری

اگر دیکھو گے ہمکو ہندو اور مسلم کی عینک سے

ہمارا آپ سے صدیوں کا رشتہ ٹوٹ جائیگا

عاصی چوکھنڈوی

پرندہ بازؤں سے روز گہری چوٹ کرتا ہے

اسے امید  ہے اک دن یہ پنجرہ ٹوٹ جائیگا

بشر مسولوی

نقاب رخ اٹھا دیں وہ اگر تو چاند پھر تیرا

غرور حسن جتنا ہے وہ سرا ٹوٹ جائیگا

سحر ایوبی

بقول مصطفےحقدار ہو گے تم جہنم کے

تمھاری ذات سے جو دل کسی کا ٹوٹ جائیگا

اسکے علاوہ راشد ظہور مشتاق بزمی دلکش چوکھنڈوی شفیق ضرار نے اپنا کلام پیش کیا

آئندہ مشاعرہ 27 مارچ کو

مصرع

گلستاں دیکھ چکے اب چلو صحرا دیکھیں    پر ہو گا

Abushahma Ansari
U.P
Bureau Chief
Urdu Weekliy
SADA _e_ BISMIL
Barabanki۔UP.(india)
Add.
Saadatganj.Distt.Barabanki
U.P_india
pin cod.225206
Email_
asansari1987@gmail.com

Home Page