مریم مرزا محلہ لائبریری مہم کی سلور جوبلی منائی گئی.

عالمی یومِ مادری زبان کے موقع پر اورنگ آباد میں جاری* *

آمنہ فضل عباس رحیم محلہ لائبریری اور اسٹڈی سنٹر کے نام سے 25ویں لائبریری کا افتتاح۔

بچوں نے اپنی ماں کی یاد میں قائم کی مسجد میں محلہ لائبریری ۔

اورنگ آباد 21 فروری۔

اورنگ آباد میں ریڈ اینڈ لیڈ فاؤنڈیشن اور فیم کی جانب سے گزشتہ ایک سال سے مریم مرزا محلہ محلہ لائبریری مہم چلائی جا رہی ہے، اس کے تحت اب تک شہر کے مختلف علاقوں خصوصاً ،غریب مزدور آبادی والے علاقوں میں میں 24 محلہ لائبریریاں چلائی جارہی ہیں۔

آج 21 فروری عالمی یومِ مادری زبان کے موقع پر مریم مرزا محلہ لائبریری مہم کی سلور جوبلی منائی گئی۔

اورنگ آباد شہر کے مشہور علاقہ حنا گر کی شاداب مسجد میں آمنہ فضل عباس رحیم محلہ لائبریری اور اسٹڈی سینٹر کے نام سے 25ویں لائبریری کا افتتاح عمل میں آیا. افتتاح بدست عبدالحسین رحیم (صدر اسٹیپنگ اسٹون ہائی اسکول ) وٹھل پوٹے پولس انسپکٹر (MIDC سڈکو پولیس اسٹیشن) کے ہاتھوں عمل میں آیا.

پروگرام کے آغاز میں ریڈ اینڈ لیڈ فاؤنڈیشن اورنگ آباد کے صدر مرزا عبدالقیوم ندوی نے طلباء ،اساتذہ و سرپرستوں کو مشن مریم مرزا محلہ محلہ لائبریری مہم کے بارے میں تفصیلی جانکاری دیتے ہوئے کہا کہ اورنگ آباد شہر ایک تاریخی شہر ہے اور اس شہر میں بچوں کے لیے ایک سال میں ساتویں جماعت کی طالبہ مریم مرزا نے بچوں کے لیے 25 محلہ لائبریریاں شروع کی ہیں. ان میں سے 11 مساجد میں چل رہی ہیں، ہماری کوشش ہے کہ جن مساجد میں جگہ ہو وہاں بچوں کے لیے اسٹڈی سینٹرز شروع کریں ۔ آج کی 25ویں لائبریری کا آغاز تین بھائیوں اور دو بہنوں نے اپنی والدہ آمنہ فضل عباس رحیم کے نام پر غریبوں، مزدوروں کی بستی حنا نگر چکلتھانہ کی شاداب مسجد میں کیا ہے جو کہ بچوں کے لیے ہے۔

اسٹیپنگ اسٹون انگلش ہائی اسکول کے صدر نشین عبدالحسین رحیم نے طلباء اور اساتذہ سے خطاب کرتے ہوئے کہا کہ ایک چھوٹی بچی کی کاوش رنگ لا رہی ہے جس نے اپنی ذاتی 300 کتابوں سے اپنے دوستوں اور مقامی بچوں کے لیے لائبریری کا آغاز کیا جس سے ہزاروں بچے مستفید ہورہے ہیں ۔ انہوں نے یہ بھی کہا کہ بڑا بننے کے لیے آپ کو محنت اور توجہ سے مطالعہ کرنا چاہیے، اس لائبریری میں آپ کے لیے بہت اچھی کتابیں ہیں، اگر آپ انہیں پڑھیں گے تو ہم مزید کتابیں دیں گے.. صنعت کار گریش مگرے جنہوں نے اپنے دوستوں کے ساتھ مل کر اپنے ایک عزیز مرحوم دوست شیرخان پٹھان کی یاد میں ناریگاؤں مہانگر پالیکا ہائی اسکول میں لائبریری شروع کی ہے، انہوں نے بتایا کہ لائبریری میں بہت اچھی کتابیں رکھی گئی ہیں، جن کو پڑھ کر آپ کو پوری دنیا کا علم حاصل ہوگا اور کتاب سب سے اچھا دوست ہے۔ ان کتابوں میں آپ کو زمانے کے بڑے بڑے آدمی ملیں گے۔

اس موقع پر وشو بھارتی اسکول کے پرنسپل کاکڑے سر نے بچوں کی لائبریری کے لیے 200 کتابیں پیش کیں۔ ,

پروگرام کے صدر

وٹھل پوٹے (MIDC سڈکو پولیس اسٹیشن) نے حاضرین کی رہنمائی کرتے ہوئے کہا کہ مساجد میں بالخصوص غریب مزدوروں کی کچی بستیوں میں بچوں کے لیے محلہ لائبریریاں شروع کیے جارہے ہیں، یہ ایک اہم مثالی اور قابل تحسین اقدام ہے جس سے نہ صرف اورنگ آباد شہر بلکہ پورے مہاراشٹر میں چلایا جانا چاہیے۔ انہوں نے یہ بتایا کہ ڈاکٹر بابا صاحب امبیڈکر نے کہا تھا کہ "پڑھو گے تو بچو گے ” اور انسان مطالعہ سے بڑا بنتا ہے۔

ڈاکٹر ابھے کبرا، ہند سپر سروس کے عقیل عباس، سیف الدین عباس، جی ڈی اسکول کے بانی دلال صاحب، ثناء اسکول کے پرنسپل آصف شیخ ، مرزا عزیز بیگ، سید راجو بھائی، شیخ شفیع الدین، شیخ مختار بگوان، شیخ رحیم بھائی اور حنا نگر کے تمام ذمہ داران و ساکنان نے پروگرام کو کامیاب بنانے میں محنت کی.. شاداب مسجد کے امام حافظ عبدالقدیر کے شکریہ پر پروگرام کا اختتام عمل میں آیا.