پریس ریلیز (بشکریہ محترمہ صائقہ غیاث)
رانی گنج : مغربی بنگال اردو اکیڈمی کے اشتراک سے شعبہء اردو رانی گنج کا دو روزہ قومی سیمینار 24اور25اگست کو کالج کے سیمینار ہال میں بعنوان”معاصر اردو فکشن ،مسائل اور امکانات "منعقد ہوا جس کے افتتاحی اجلاس کی صدارت مولانا مظہر الحق یونیورسٹی ،بہار کے سابق پرو وائس چانسلر پروفیسر توقیر عالم نے کی جبکہ کلیدی خطبہ جواہر لال نہرو یونیورسٹی نئی دہلی کے ممتاز پروفیسر اور ناقد جناب سید محمد انور عالم پاشا نے دیا مہمان خصوصی اور مہمان اعزازی بالترتیب علی گڑھ مسلم یونیورسٹی کے شعبۂ اردو کے پروفیسر اور مشہور و معروف فکشن ناقد جناب صغیر افراہیم اور جناب شہاب الدین ثاقب تھےاس اجلاس میں خیر مقدمی کلمات شعبۂ اردو کی استانی ڈاکٹر مہ جبین نے ادا کیے جبکہ نظامت کے فرائض ڈاکٹر محمد شمشیر عالم نے بحسن و خوبی انجام دیا اورہدیۂ تشکر ڈاکٹر صابرہ خاتون حنا نے پیش کیااس افتتاحی اجلاس میں شعبہ اردو کی جانب سے مہمانوں کو گلدستہ،میمنٹو،فائل اور شال کا نذرانہ پیش کیا گیا
اس سیمینار کے پہلے اجلاس کی صدارت مشترکہ طور پر جے این یو کے پروفیسر سید محمد انور عالم پاشا اور علی گڑھ کے پروفیسر شہاب الدین ثاقب نے فرمائی جبکہ مقالہ نگاروں میں پروفیسر صغیر افراہیم،فخرالدین علی احمد پوسٹ گریجویٹ کالج یوپی کے اسسٹنٹ پروفیسر ڈاکٹر منتظر قائمی،قومی کونسل برائے فروغ اردو زبان کے سابق مدیر ڈاکٹر ہادی رہبر،کلٹی کالج کے صدر شعبئہ اردو ڈاکٹر صوفی ظفر شاہد ،ٹی ڈی بی کالج کے سیکٹ ٹیچر ڈاکٹر ارشاد انصاری،اور اسی کالج کے ریسرچ اسکالر آفتاب عالم موجود تھے اس سیشن کی کامیاب نظامت ڈاکٹر محمد شفقت کمال نے کی جبکہ اظہار تشکر ڈاکٹر صابرہ خاتون حنا نے کیا بعد ازاں وقفۂ ظہرانہ میں سبھی حاضرین کی زبردست ضیافت کی گیی اور پھر دوسرے اجلاس کا دور شروع ہوا جسکی نظامت بڑی ہی عمدگی سے ڈاکٹر صابرہ خاتون حنا نے کی اور صدور میں پروفیسر صغیر افراہیم اور پروفیسر توقیر عالم نے موضوع کی مناسبت سے شاندار صدارتی خطبے سے نوازا مقالہ نگاروں میں پروفیسر شہاب الدین ثاقب ،بھیرب گانگولی کالج ،کولکاتہ کے ڈاکٹر افضال عاقل ،اسی کالج کے شعبہء انگریزی کی استانی ارونیما کرموکار ،لال بابا کالج ہوڑہ کے ڈاکٹر محمد راشد اور نیلوفر شاہین وغیرہ تھیں جبکہ ہدیۂ تشکر ڈاکٹر مہ جبین نے ادا کیا اس طرح پہلے دن کا یہ سیمینار بڑی ہی کامیابی سے شام چھ بجے اختتام پذیر ہوا دوسرے دن کا اجلاس بھی اپنے مقررہ وقت پر پروفیسر صغیر افراہیم اور پروفیسر شہاب الدین ثاقب کی صدارت میں شروع ہوا جس کی زبردست نظامت ڈاکٹر صابرہ خاتون حنا نے کی حسب دستور ایک طالب علم ذکی امام ساجد نے تلاوت قرآن پاک کی اور مولانا آزاد کالج کولکاتا کے صدر شعبئہ اردو ڈاکٹر دبیر احمد ،ہگلی محسن کالج کے ایسوسی ایٹ پروفیسر ڈاکٹر عمر غزالی ،اسنسول کے معروف کالم نویس انجینئر خورشید غنی ،اسی کالج کے ڈاکٹر مہ جبین ،رانی گنج گرلس کالج کے صدر شعبئہ اردو ڈاکٹر محمد فاروق اعظم ،ٹی ڈی بی کالج کی سیکٹ ٹیچر صبیحہ خاتون اور ریسرچ اسکالر شاہینہ پروین مقالہ نگاروں میں شامل تھیں جنہوں نے بڑی ہی عمدگی سے اپنے مقالے پیش کیے اس سیشن میں اظہار تشکر ڈاکٹر محمد شمشیر عالم نے ادا کیا جبکہ اس کے بعد والے دونوں ہی سیشن کی مشترکہ نظامت بھی انہوں نے ہی کی بعد والے چوتھے اور پانچویں اجلاس اور اختتامی اجلاس کی صدارت مشترکہ طور پر ڈاکٹر دبیر احمد ،ڈاکٹر عمر غزالی اور بزرگ افسانہ نگار الحاج نذیر احمد یوسفی نے فرمائی اس سیشن میں بنارس ہندو یونیورسٹی سے تشریف لائے ہوئے ڈاکٹر رشی کمار شرما اور عالیہ یونیورسٹی کولکاتہ کی ڈاکٹر درخشاں زریں ،جبکہ آسنسول بی بی کالج کے صدر شعبئہ اردو ڈاکٹر مشکور معینی،معروف افسانہ نگار ڈاکٹر عشرت بیتاب نے موضوع کی مناسبت سے اپنے بسیط مقالے پیش کیے عالیہ یونیورسٹی کے ریسرچ اسکالر شاہد اقبال ،اور ٹی ڈی بی کالج کی ریسرچ اسکالرز سومی پروین اور انجم پروین نے بھی بڑے ہی پرمغز مقالے پیش کیے اور اساتذہ سے داد بٹوری اسی اثناء میں شعبہء اردو کے طلباء وطالبات کی تخلیقات پر مبنی ایک دیوار گیر مجلہ کی رونمائی بھی سیمینار میں شریک مہمانان بطور خاص پروفیسر صغیر افراہیم کے ہاتھوں ہوئی اور انہوں نے طلباء وطالبات کی اس کاوش کو بھی خوب سراہا ۔۔سیمینار کے دوسرے دن بھی شاندار ضیافت کا انتظام تھا طلباءو طالبات بطور خاص صاعقہ غیاث،سلطانہ پروین ،گل افشاں،صفیہ حسن،مسکان پروین ،فرید دانش ،وقار احمد ،عزیر ٹیپو ،منور ،شاہنوازکے علاوہ تمام ہی اساتذہ اور لاءبریرین افروز عالم وغیرہ نے بھی دن بھر موجود رہ کر مہمانوں کا خیال رکھا چاےء ناشتہ کا دور چلتا رہا اور اختتامی اجلاس میں نیلوفر شاہین ،انجم پروین ،فرید دانش ،صاعقہ غیاث ،سومی پروین وغیرہ کے ساتھ شرکاء بزم نے بھی اس دوروزہ سیمینار کی کامیابی پر مبارکباد پیش کی اس طرح یہ قومی سیمینار بڑی ہی کامیابی سے شام کے ساڑھے چھ بجے اختتام کو پہنچا کالج کے اس پروگرام کو کامیابی سے ہم کنار کرنے کے لیے دوسرے شعبے کے اساتذہ اور شہر کے متعدد ادب نواز،شاعرو ادیب بھی آخر تک موجود رہے جس کے لیے شعبہء اردو کے اساتذہ نے ان کا شکریہ بھی ادا کیا۔۔
(مضمون میں پیش کردہ آرا مضمون نگارکے ذاتی خیالات پرمبنی ہیں،ادارۂ ادبی میراث کاان سےاتفاق ضروری نہیں)
| ادبی میراث پر آپ کا استقبال ہے۔ اس ویب سائٹ کو آپ کے علمی و ادبی تعاون کی ضرورت ہے۔ لہذا آپ اپنی تحریریں ہمیں adbimiras@gmail.com پر بھیجنے کی زحمت کریں۔ |
Home Page
