ذکی طارق بارہ بنکوی کو ادبی اور صحافتی خدمات پر اعزاز

جنگی شہیدؒ فاؤنڈیشن کی جانب سے طارق انصاری مرحوم کی یاد میں ایک عظیم الشان آل انڈیا مشاعرہ منعقد

  بارہ بنکی،(ابوشحمہ انصاری)گزشتہ رات میلہ راۓ گنج میں صوفی بزرگ حضرت جنگی شہید رحمتہ اللہ علیہ کے سالانہ عرس کے موقع پر ایک عظیم الشان آل انڈیا مشاعرے کا اہتمام ممبر اسمبلی حاجی فرید محفوظ قدوائی کی صدارت میں منعقد کیا گیا۔جبکہ نظامت کے فرائض ہلال بدایونی نے انجام دیئے۔ اس مشاعرے میں مہمانِ خصوصی کے طور پر اروند کمار گوپ ( سابق کابینی وزیر اور سماج وادی پارٹی کے قومی سکریٹری ) شریک ہوئے ان کے ہمراہ ضلع کے کئی اور بھی قدآور سیاسی لیڈران بھی مشاعرے میں شامل ہوئے اس موقع پر معروف شاعر اور بارہ بنکی سے نکلنے والے ہفت روزہ "صدائے بسمل” کے ایڈیٹر ذکی طارق بارہ بنکوی کو ان کی ادبی اور صحافتی خدمات پر ایک توصیفی سند پیش کی گئی اور اعزاز سے نوازا گیا۔مشاعرے میں شریک ہوۓ شعراء کرام جس میں افضل منگوری، ڈاکٹر انجم بارہ بنکوی، حامد بھساولی، عثمان مینائی بارہ بنکوی، ذکی طارق بارہ بنکوی، تنویر اختر، وکاس بوکھل، علی بارہ بنکوی، آفتاب جامی، فاروق عادل لکھنوی، سلیم تابش لکھنوی، سحر ایوبی، راشد کمال بارہ بنکوی، رخسار بلرام پوری، عبید عزمی، مقصود پیامی، راشد میلہ رائے گنجوی، گلِ صبا فتح پوری اور نندنی اعظمی وغیرہ نے اپنا اپنا خوبصورت کلام پیش کر کے سامعین کو داد و تحسین دینے پر مجبور کیا۔ جو بہت ہی کامیابی کے ساتھ صبح 4 بجے تک چل کر اختتام پذیر ہوا۔ آخر میں مشاعرہ کنوینر احفاظ حسین "شبلی” ( سابق پردھان ) نائب کنوینر مقصود پیامی نے مشاعرہ میں شریک ہونے والےسبھی لیڈران، شعراء اور سامعین کا شکریہ ادا کرتے ہوئے آئندہ سال تک کے لئے مشاعرے کو ملتوی کرنے کا اعلان کیا۔

(اگر زحمت نہ ہو تو ادبی میراث کے یوٹیوب چینل کو ضرور سبسکرائب کریں    https://www.youtube.com/@adbimiras710/videos