غزل – علی شاہد ؔ دلکش

خوب ہنگامہ ہوا ہے چاند پر
ہر کوئی جانے لگا ہے چاند پر

نقش قدموں کے ہمارے درج ہیں
ہم نے پاؤں رکھ دیا ہے چاند پر

فخر سے اونچا ہوا سر چاند سا
پاؤں میرا جب پڑا ہے چاند پر

غور سے تکتے رہے ہم چاند کو
خود نشاں اپنا بنا ہے چاند پر

چوم لی ہم نے جبیں جب چاند کی
مثلِ تارا نور سا ہے چاند پر

عشق کی معراج ہے، جگ نے کہا
حسن بھی رہنے لگا ہے چاند پر

دیکھ لو شاہدؔ نئی دنیا ہے یہ
گھر میرا بھی بن گیا ہے چاند پر

___*علی شاہد ؔ دلکش*