سوال (6)
میں نے قربانی کے لیے جو بکرا لیا ہے اس کے دونوں سینگ پیدائشی طور پر نہیں ھیں ۔ کیا اس کی قربانی درست ھے؟
جواب :
ایسے بکرے کی قربانی جائز ہے _
سوال (7)
میرے والد اور والدہ دونوں کا انتقال ہو چکا ہے _ میں ان دونوں کی طرف سے قربانی کرنا چاہتی ہوں _اگر میں قربانی کا ایک حصہ لوں تو کیا دونوں کی طرف سے قربانی ہوجائے گی ، یا دونوں کا الگ الگ حصہ لینا ہوگا ؟
جواب :
کیا میّت کی طرف سے قربانی جائز ہے؟ بعض علماء اس کا جواب اثبات میں دیتے ہیں _ ان کی رو سے آپ جس کے نام سے قربانی کریں گی اس کی طرف سے مانی جائے گی _
ویسے اولاد جو بھی نیک کام کرتی ہے اس کے ثواب کا کچھ حصہ اس کے والدین کو پہنچتا ہے _
سوال (8)
کیا حج کے لیے جاتے وقت اپنے ساتھ 26 سورتیں لے جا سکتے ہیں؟
جواب :
26 سورتیں نہیں ، پورا قرآن مجید لے جائیں اور حسبِ توفیق زیادہ سے زیادہ تلاوت کریں _
سوال (9)
کیا احرام کی حالت میں جس طرح مرد کے لیے جوتا پہننا درست نہیں ، یہی حکم عورت کے لیے بھی ہے؟
جواب :
نہیں ، عورت کے لیے یہ حکم نہیں ، وہ جوتی پہن سکتی ہے _
سوال (10)
کیا قربانی کے گوشت کے 3حصے کرنے ضروری ہیں اور قربانی کرنے والا اپنے لیے ایک تہائی سے زیاہ گوشت نہیں استعمال کرسکتا؟
جواب :
قربانی کے گوشت کے 3 حصے کرنا اور صرف ایک تہائی حصہ اپنے استعمال میں لانا بہتر ہے ، لیکن وقتِ ضرورت اس سے زیادہ اپنے استعمال میں لایا جاسکتا ہے _
(مضمون میں پیش کردہ آرا مضمون نگارکے ذاتی خیالات پرمبنی ہیں،ادارۂ ادبی میراث کاان سےاتفاق ضروری نہیں)
| ادبی میراث پر آپ کا استقبال ہے۔ اس ویب سائٹ کو آپ کے علمی و ادبی تعاون کی ضرورت ہے۔ لہذا آپ اپنی تحریریں ہمیں adbimiras@gmail.com پر بھیجنے کی زحمت کریں۔ |
Home Page
