اسلام میں عورت کا مقام - گل گلشن

عورت وہ لفظ جو عزت و حرمت سے آگاہ کرتا ہے، جس کے وجود سے کائنات میں رنگ ہے اور جسے ہر دور میں مظلوم بنا کر پیش کیا گیا مگر وہاں جہاں وہ مظلوم ہے۔ اسلام کو ماننے والی کوئی عورت کم از کم اسلام کی طرف سے نہ مجبور ہے نہ بے بس۔ قرآن و احادیث اور سیرت صحابیات سے یہ بات واضح ہے مگر افسوس ہے ان لوگوں پر جنھوں نے آج اسلام کو بدنام کرنے کی ذمے داری اٹھارکھی ہے۔ آج کی نام نہاد آزادی کا سہانہ خواب دکھا کر، بے چاری عورت کو ان حقوق سے بھی دور کردیا جس سے اسلام نے انھیں نوازا ہے۔ اگر ایک نظر تاریخ اسلام پر ڈالی جائے، تو معلوم ہوگا اسلام نے عورت کو، حاکم، حکومت، سیاست، قیادت، انتظامات، مشاورت، ہر چیز کا ترجمان بنایا۔

قرآن کریم میں ارشاد ہے، فرمایا گیا’’اے لوگو! اپنے رب سے ڈرو، جس نے تمہیں ایک جان سے پیدا فرمایا پھر اسی سے اس کا جوڑ پیدا فرمایا۔ پھر ان دونوں میں سے بکثرت مردوں اور عورتوں (کی تخلیق) کو پھیلا دیا۔‘‘ (النساء)

رب کائنات نے مرد و عورت کی تخلیق کے درجے کو برابر رکھا۔ واضح فرمان ہے کہ ’’ایک جان سے پیدا فرمایا پھر اس سے اسی کا جوڑ ‘‘۔ آج مرد کو ظالم اور عورت کو مظلوم بیان کیا جاتا ہے جبکہ اسلام نے عورت کو پیدائش سے لے کر موت تک کے حقوق سے نواز دیا۔ اسلام سے قبل لڑکیوں کی حالت تشویشناک تھی۔ اسلام نے لڑکی کو رحمت بنایا، گھر کا سکون بنایا۔ اسلام کا سورج طلوع ہوا تو عورت کا استحصال بند ہوا۔ عورت کو دی جانے والی ذلت پر گرہ لگی۔ عورت کو اس وقار، عصمت، عزت، حرمت سے نوازا گیا اور پھر زندہ عورت کو دفنانے کی رسم جاہلانہ ختم ہوئی۔ اسلام نے ہی عورتوں کو مردوں کے مساوی حقوق دیے۔ عورت کی حیثیت مستحکم کی۔

اسلام نے عورت کو مساوات، عزت و عصمت کا تحفظ، میراث ، مہر ، خلع کا حق، انفرادی حقوق ، تعلیم و تربیت کا حق ، علیحدگی کی صورت میں اولاد رکھنے کا حق، حق رائے کا حق، مشاورت کا حق سمیت آدھی دنیا قرار دے ڈالا۔ عورت اگر کمائے تب بھی اس کے ذمہ اسلام نے یہ نہیں کیا کہ وہ اولاد کی کفالت کرے۔ یہ ذمہ داری باپ کی ہے۔ ماں بہن بیٹی بیوی،اسلام نے ہر رشتے سے عورت کا ترکے میں حصہ رکھا ہے۔

جہاں یہ صورتحال ہے وہیں اسلام کے نام پر ہی عورت کو متنفر کیا جاتا ہے۔ مسلم خاتون کو بجائے اسلام میں خود کو محفوظ سمجھنے کے قید سمجھنے لگی۔ہماری عورت متاثر ہے اس مغربی ماحول سے جہاں علیحدگی کی صورت میں اولاد کی کفالت، اولاد کی ذمہ داریاں صرف اور صرف عورت کے نازک کاندھوں پرہی آجاتی ہیں۔ ہماری عورت متاثر وہاں کی اس عورت سے، جہاں کا مرد لمحے لمحے میں عورت کی تذلیل اور عزت نفس مجروح کرتا ہے۔

کیا ہم اس معاشرے سے متاثر ہیں کہ جہاں عورت کو جنسی تسکین سمجھا جاتا ہے۔ سر عام زیادتی کی جاتی ہے اور اس کی سزا بھی اسی عورت کو بھگتنی پڑتی ہے۔ اس عورت سے متاثر یہ اسلام کی ملکائیں، شہزادیاں جہاں کی عورت کو پیدائش کے ساتھ ہی حقوق ملتے ہیں لیکن وہ اس عورت کے حقوق چاہتی ہے جسے حق رائے کا حق بھی بیسویں صدی کے بعد ملا۔ ہمیں مغربی معاشرے سے مرعوب ہونے کے بجائے سمجھنا ہوگا۔ اپنی حیثیت کو پہچاننا ہوگا۔ ایک نظر اگر مغربی معاشرے کی عورت پر ڈالا جائے تو یقیناًآپ کو وہ اسی معاشرے کی تمنا کرتی ملے گی۔ اسے عزت نہیں ملی وہاں وہ اسے یہاں چاہیے۔ اسے جنسی تشدد کا شکار بنایا جاتا ہے وہاں اسی گھر میں احترام مشرقی معاشرے میں دیکھائی دیتا ہے۔

میری عزیز بہنو! خدارا سوچو۔ کیوں خود کو مغربی غلامی میں ڈھالنے کی کوشش کررہی ہو۔ تم نہیں جانتی کہ اس ماحول میں سکون نہیں، وہاں عزت و احترام نہیں۔ذلت کی زندگی پسند کرنے والیوں ہوش کے ناخن لو۔ جو دیکھائی دے رہا ہے ویسا کچھ نہیں ہے وہاں۔ اسلام کو پسند کرلیں۔ اللہ تعالیٰ نے ہمارے لیے اسلام جیسے عظیم ترین مذہب کا انتخاب فرمایا ہے۔

جب ہمارے مذہب نے اتنے حقوق عطا کر دیے۔ اتنا احترام ، اتنا مان ، اتنی عزت و شرف عطا کردی تو ہم کسی اور سے کیوں متاثر ہوں۔ کسی دوسرے مذہب، قوم سے متاثر ہونے کی ضرورت ہے اور نہ ہی آزادی کے بے بنیاد نعروں پر کان دھرنے کی ۔ ہم جہاں بھی ہیں یہیں سب سے عظیم اور سب سے آزادی والی جگہ ہے۔ اس میں خوش ہوجائیں۔

بہت تنہا تھے آدم تمہارے بنا

پھر خدا نے تمہیں دیکھو پیدا کیا

تم ہی سے رونقیں ساری دنیا میں ہیں

تم ہی سے جہاں یہ مکمل ہوا

تم ہی تو ہو خدا کی بڑی نعمتیں

تم سے ہی تو سماں خوبصورت ہوا

ماں کی صورت میں جنت تمہیں ہی کہا

برکتیں ہی رہی بہنوں سے ہر جگہ

بی وی کے آنے سے گھر میں رونق ہوئی

بیٹی آیی تو گھر میں یوں رحمت ہوئی

رکھتی ہے اپنے اندر تو دوجا جسم

دیتی ہے درد سے انساں کو جنم

کھائی ہیں گلیاں، سہہ گئی تو ستم

بھائی کی آبرو پہ نہ رکھے قدم

مرتبہ تیرا رب نے یوں اونچا کیا

قدموں کے نیچے جنت ترے کہہ دیا

از۔گل گلشن

ممبئی

بشکریہ۔

Abushahma Ansari
U.P
Bureau Chief
Urdu Weekliy
SADA _e_ BISMIL
Barabanki۔UP.(india)
Add.
Saadatganj.Distt.Barabanki
U.P_india
pin cod.225206
Email_
asansari1987@gmail.com

(مضمون میں پیش کردہ آرا مضمون نگارکے ذاتی خیالات پرمبنی ہیں،ادارۂ ادبی میراث کاان سےاتفاق ضروری نہیں)

ادبی میراث پر آپ کا استقبال ہے۔ اس ویب سائٹ کو آپ کے علمی و ادبی تعاون کی ضرورت ہے۔ لہذا آپ اپنی تحریریں ہمیں adbimiras@gmail.com پر بھیجنے کی زحمت کریں۔

اسلام میں عورت کا مقام – گل گلشن

کوثر چاند پوری کی افسانہ نگاری – ڈاکٹر شاداب تبسم

آزادی مبارک – زیبا گلزار

یہ بھی پڑھیں