قطعہ تاریخ رحلت محمد شکیب اکرم کے سانحہ ارتحال پر – وقار مانوی

تجھ کو کیا معلوم اے پیک اجل

تو نے کس غنچے کا کر ڈالا زیاں

اہل خانہ پر جو ٹوٹا کوہ غم

ہاۓ کن لفظوں میں ہو اس کا بیاں

سوگ میں ڈوبے ہوئے ہیں آج سب

ہے پریشاں آج سارا خانداں

پیش آۓ کس کو کب مشکل گھڑی

کون جا نے کون کب تک ہے یہاں

کس بہانے کس کی آۓ کیا خبر

اک ٹھکانہ عارضی ہے یہ جہاں

ایسا گزرا حادثہ اندوہناک

لب پہ آیا الحفیظ و الاماں

جو خوشی تھی غم میں بدلی دفعتاؒ

کامیابی کا مٹا ہر اک نشاں

سو گیا ہے موت کی آغوش میں

اک شگفتہ چہرہ ‘ گبرو نو جواں

وہ شکیب اکرم نظر میں جس کی تھی

گلشن  دل کی  بہار بے خزاں

فکر کی جب مصزع تاریخ کی

ہاتف غیبی پکار اٹھا کہ ہاں

بعد تکرار ستم ‘ لکھ دے "وقار”

"اے شکیب اکرم کی مرگ ناگہاں”

—————————————-

1021

ستم ستم  :    1000

1021  + 1000 = 2021

—————————————-

وقار مانوی، دہلی :

موبائل نمبر 9582059820

Home Page